Më me datë 07/06/2023, nën organizimin e  Ministrisë së Zhvillimit Rajonal së bashku me AZHR Perëndim,  u mbajt punëtoria lidhur me përgatitjet për Konferencën e Donatorëve, e cila planifikohet të organizohet nga Qeveria e Kosovës gjatë muajit Qershor 2023.

Në këtë takim ishin të pranishëm Zëvendës Ministri i MZHR-së . z.Agon Dobruna nga MZHR, Kryetari i Komunës së Deçanit z. Bashkim Ramosaj, Kreshnik Uka zv. Udhëheqës i Divizionit për Koordinim të Zhvillimit Rajonal nga MZHR, përfaqësuesit e AZHR Perëndim si dhe drejtorët e drejtorive të zhvillimit ekonomik nga komunat e Rajonit Perëndim.

Qëllimi i këtij takimi ishte identifikimi dhe paraqitja e projekteve kapitale që janë rezultat i proceseve të planifikimit në nivelet komunale dhe rajonet zhvillimore.

Këto projekte do të bëhen pjesë e kërkesave dhe paraqitjeve gjatë konferencës së planifikuar për donatorët.

Gjithashtu në këtë takim u diskutua rreth qëllimit, përgatitjes, koordinimit dhe kritereve për përzgjedhjen e projekteve kapitale në nivel të komunave dhe rajoneve zhvillimore, si dhe modalitetet e tjera të lidhura me konferencën e planifikuar.