Sot më datë 16 Gusht 2019, Ministria e Zhvillimit Rajonal përkatësisht Departamenti për Planifikim dhe Analiza Socio – Ekonomike Rajonale, mban takimin e dytë me komuna për finalizimin e Draft – Analizës për investime kapitale të ministrive të linjës në nivel lokal/rajonal për vitin 2018.

Në takim morën pjesë drejtorët e drejtorive për zhvillim ekonomik të komunave të Rajonit zhvillimor Perëndim (Komuna e Pejës me komunat për rreth), Rajonit zhvillimor Jug (Komuna e Prizrenit me komunat për rreth), si dhe drejtorë të drejtorive për zhvillim ekonomik dhe përfaqësues tjerë të komunave me përfaqësim nga komuniteti serb: Komuna e Zveçanit, Komuna e Graqanicës, Komuna e Ranillugut, Kllokotit, dhe Shtërpces. Pjesëmarrës në takim ishin edhe përfaqësuesit e agjencioneve zhvillimore rajonale (AZHR-ve).

Drejtori i Departamentit për Planifikim dhe Analiza Socio – Ekonomike z. Blerim Hasani, prezantoj para pjesëmarrësve përmbajtjen e Draft – Analizës për investime kapitale të ministrive të linjës në nivel lokal/rajonal për vitin 2018 dhe listën e projekteve kapitale të financuara nga ministritë e linjës në komuna. Përfaqësuesit e komunave pjesëmarrëse në takim, paraqiten komentet e tyre lidhur me draftin e prezantuar nga MZHR, numrin dhe saktësinë e emërtimeve të projekteve për të cilat kanë pranuar financim nga ministritë e linjës në vitin 2018. Të njëjtit, kontribuan në finalizimin e draftit përmes propozimit edhe të çështjeve tjera, që ndërlidhen me planifikimin dhe implementimin e projekteve qoftë nga niveli qendror por edhe aj lokal.

Në fund, përfaqësuesit e MZHR-së dhe të komunave pjesëmarrëse në takim, u dakorduam për vazhdimin e komunikimit deri në finalizimin dhe publikimin e këtij dokumenti nga MZHR.