Ministria e Zhvillimit Rajonal (MZHR) në bashkëpunim me Institutin Kosovar për Qeverisje Lokale (KLGI), sot me datë 29 Maj 2020 mbajtën konsultimin virtual (online) me drejtorët për zhvillim ekonomik të komunave dhe përfaqësuesit e AZHR-ve. Me këtë rast, u prezantua Draft – Analiza për investime kapitale të realizuara sipas rajoneve zhvillimore në Kosovë për vitin 2019.

Qëllimi i realizimit të këtij konsultimi, ishte diskutimi i Draft – Analizës me komuna, lidhur me investimet kapitale të pranuara nga ministritë e linjës në vitin 2019, investimet kapitale të realizuara nga vet komunat bazuar në buxhetet e tyre lokale, si dhe rezultatet që dokumenti i pasqyron sipas rajoneve zhvillimore për vitin 2019. MZHR theksoj se përgatitja e kësaj analize hyn në funksion të monitorimit të zhvillimit socio – ekonomik rajonal të balancuar në Kosovë dhe përmes hartimit dhe publikimit të këtij dokumenti, synon të ofroj një burim të rëndësishëm me të dhëna të sakta, dhe të cilat niveli lokal dhe qendror do t’i shfrytëzoj gjatë planifikimit të investimeve për vitet vijuese.

Përfaqësuesit e MZHR-së, prezantuan edhe procesin e hartimit dhe mbledhjes së të dhënave nga Ministritë e linjës, si dhe komentet e pranuara deri me tani nga komunat. Përfaqësuesit e komunave dhe AZHR-ve, vlerësuan lartë përmbajtën e dokumentit dhe çështjet të cilat ky dokument i adreson. Të njëjtit, kontribuuan edhe me komente dhe rekomandimet shtesë për të cilat MZHR u pajtua ti përfshijë në dokumentin final.

MZHR dhe komunat mbesin të përkushtuara për bashkëpunim lidhur me realizimin edhe të aktiviteteve tjera, në funksion të avancimit të zhvillimit socio – ekonomik rajonal të balancuar.