Sot më datë 23.12.2020, Ministri i Zhvillimit Rajonal z. Enis Kervan bashkë me zv. Sekretari Përgjithshëm të MZHR-së z. Besim Kamberaj dhe znj. Mrika Gashi, Drejtoreshë e ARDA-së dhe AHZR Qendër, vizituan Komunën e Obiliqit.

Ministrin Kervan, u prit në takim nga Kryetari i Komunës së Obiliqit z. Xhafer Gashi me bashkëpunëtorët e Tij. Në takimin në fjalë, u diskutua bashkëpunimi i deritanishëm i realizuar ndërmjet MZHR-së dhe Komunës së Obiliqit dhe temat tjera me interes të zhvillimit socio – ekonomik të Komunës së Obiliqit dhe bashkëpunimin që ka kjo Komunë me komunat tjera të Rajonit Zhvillimor Qendër. Kryetari Gashi, falënderojë Ministrin Kervan dhe shprehi mirënjohje për MZHR-në, lidhur me përkrahjen që vazhdimisht po e jap ndaj komunave në kontekst të avancimit të infrastrukturës publike dhe përkrahjes së bizneseve mikro dhe të vogla. Komuna e Obiliqit, ka qenë përfituese e projekteve kapitale nga MZHR, të cilat kanë qenë shumë të dobishme dhe që kanë pasur ndikim pozitiv në zhvillimin socio – ekonomik të Komunës. Ministri Kervan dhe Kryetari Gashi, evidentuan një mori të ideve potenciale të bashkëpunimit ndërmjet komunave të këtij rajoni dhe vlerësuan nevojën e përkrahjes së MZHR-së edhe në vitet në vijim. Ministri Kervan, theksojë se është duke realizuar përpjekjet që të gjejë përkrahje edhe nga partnerët strategjik ndërkombëtar, me qëllim të rritjes së mundësisë për përkrahje të projekteve edhe më të mëdha të komunave dhe që kanë impakt në zhvillimin rajonal të balancuar.

Përfundimisht, Ministri paraqiti vullnetin dhe përkushtimin e MZHR-së për vazhdimin e bashkëpunimit të mëtutjeshëm me komuna, me qëllim të avancimit të zhvillimit socio – ekonomik rajonal të balancuar në Kosovë