Zyra e Komisionerit për Gjuhë (ZKGJ) dhe Organizata për Siguri dhe Bashkëpunim në Evropë Misioni në Kosovë (OSBE), shpërblejnë Ministrinë e Zhvillimit Rajonal (MZHR-në) me çmimin “Praktikën më të mirë në zbatimin e Ligjit për Përdorimin e Gjuhëve në Kosovë”.

Këtë shpërblim, MZHR e pranojë sot me datë 14.11.2019 në një eveniment të organizuar nga Zyra e Komisionerit për Gjuhë dhe Misioni i OSBE-së në Kosovë. Gjatë fjalimit të mbajtur nga përfaqësuesit e dy këtyre të fundit, theksuan se deri tek dhënia e këtij shpërblimi, është realizuar një proces i gjatë i vlerësimit të institucioneve të nivelit qendror, duke u fokusuar në vlerësimin e faqeve zyrtare dhe elektronike/sociale, mbi bazën e kritereve të qarta dhe të aprovuara paraprakisht. Shpërblimin nga MZHR e pranoj Sekretari i Përgjithshëm z. Fatos Qerimi, i cili me këtë rast mbajti një fjalë rasti, ku përveç tjerash falënderoj organizatorët për vlerësimin dhe theksoj se për MZHR-në si ministri e re, e cila është duke përmbyllur procesin e konsolidimit, ky vlerësim është shumë i rëndësishëm dhe një motiv shtesë për të vazhduar punën me përkushtim dhe duke respektuar plotësisht liritë dhe të drejtat e të gjitha komuniteteve në Kosovë.

Edhe pse në mungesë të stafit, z. Qerimi theksoj se MZHR ka gjetur mundësitë dhe ka realizuar përpjekjet që maksimalisht të përmbush obligimin e saj ligjor që gjatë realizimit të aktiviteteve zyrtare, të jetë transparente në raport me publikun. Përkrahje dhe mbështetje të vazhdueshme në këtë aspekt, ka dhënë edhe Ministri që vjen nga komuniteti boshnjak z. Rasim Demiri, të cilin Sekretari i Përgjithshëm e falënderojë në emër të stafit të MZHR-së.

Për fund, Sekretari i Përgjithshëm theksoj se MZHR mbetet e hapur për bashkëpunim ndaj Zyrës së Komisionerit për Gjuhë, institucioneve tjera dhe partnerëve ndërkombëtar, në kuptim të respektimit të legjislacionit përkatës në fuqi për gjuhët zyrtare dhe përmbushjes së mandatit për avancimin e zhvillimit socio – ekonomik rajonal të balancuar në Kosovë.