Sot më datë 15. Gusht 2019, Ministria e Zhvillimit Rajonal përkatësisht Departamenti për Planifikim dhe Analiza Socio – Ekonomike Rajonale, mban takimin e parë me komuna për finalizimin e Draft – Analizës për investime kapitale të ministrive të linjës në nivel lokal/rajonal për vitin 2018.

Në këtë takim, morën pjesë drejtorët e drejtorive për zhvillim ekonomik dhe përfaqësues tjerë të komunave të Rajonit zhvillimor Qendër (Prishtina me komunat për rreth), Lindje (Gjilani me komunat për rreth) dhe Veri (Mitrovica Jugore dhe komunat për rreth). Gjithashtu, pjesëmarrës në takim ishin edhe përfaqësuesit e tri (3) agjencioneve zhvillimore rajonale (AZHR-ve) të tri (3) rajoneve në fjalë.

MZHR prezantoj para pjesëmarrësve përmbajtjen e Draft – Analizës për investime kapitale të ministrive të linjës në nivel lokal/rajonal për vitin 2018 dhe e konsultoj me pjesëmarrësit listën e siguruar nga Ministria e Financave për projektet kapitale të financuara nga ministritë e linjës në komunat pjesëmarrëse në takim.

Marrë parasysh përmbajtjen e draftit dhe kontributin e MZHR-së të cilin synon ta jap përmes këtij dokumenti, komunat pjesëmarrëse e vlerësuan pozitivisht dokumentin dhe të nevojshëm publikimin e tij nga MZHR. Të njëjtit paraqiten edhe komentet e tyre lidhur me saktësinë e projekteve të listuara nga MZHR, statusin e realizimit të këtyre projekteve në komunat e tyre dhe dhanë kontribut edhe në përmbajtjen narrative të Draft – dokumentit.

Përfaqësuesit e MZHR-së dhe të komunave pjesëmarrëse në takim, u dakorduam për realizimin e komunikimit të vazhdueshëm deri në finalizimin dhe publikimin e këtij dokumenti nga MZHR.