Sot me datë 07.02.2019, Drejtori i Departamentit për Planifikim dhe Analiza Socio – Ekonomike Rajonal në MZHR z. Blerim Hasani dhe Udhëheqësja e Divizionit për Buxhet dhe Financa znj. Fatmire Thaçi, priten në takim një delegacion nga Departamenti për Ndihmë Shtetërore (DNSH) bashkë me ekspertin nga projekti i EU-së John Emeruwa.

Në këtë takim, u diskutua lidhur me detyrat dhe përgjegjësitë e dy institucioneve në kontekst të administrimit të ndihmës shtetërore, legjislacionin në fuqi që rregullon këtë fushë, buxhetin vjetor dhe kriteret e aplikura për përzgjedhje të përfituesve të skemave për zhvillim rajonal të balancuar, si dhe krijimin e bashkëpunimit të nevojshëm në të ardhmen: MZHR – DNSH.

MZHR, përmes përfaqësuesve të saj në këtë takim, paraqiti gatishmerinë dhe vullnetin për të bashkëpunuar me Departamentin për Ndihmë Shtetërore (DNSH), lidhur me të gjitha detyrat dhe përgjegjësitë që i takojnë mbi bazën e legjislacionit në fuqi.