Ministria e Zhvillimit Rajonal (MZHR) me qëllim për informimin e drejtë të opinionit publik bën këtë reagim lidhur me shkrimin e publikuar dje me dt. 19.05.2022 nga Portalet elektronik  “Gazeta Blic” dhe “Bota Sot”  me titull “Krimet Ekonomike “zbarkojnë” në Ministrinë e Zhvillimit Rajonal.

Portalet elektronik  “Gazeta Blic” dhe “Bota Sot” me shkrimin e publikuar dje të cekur më lartë, duke u nisuar nga “burimet”  pretendon të njoftojë se Policia e Kosovës është duke i hetuar të paktën shtatë zyrtarë të lartë të Ministrisë së Zhvillimit Rajonal.

Referuar të njëjtit shkrim të publikuar thuhet se po këta zyrtar të lartë po dyshohen për keqpërdorime me grante dhe disa ditë më parë në këtë ministri kanë “zbarkuar” edhe hetuesit policor nga Krimet Ekonomike, duke ju referuar kinse burimit të brendshëm të saj nga MZHR I cili thotë “Para disa ditësh hetuesit e krimeve Ekonomike kanë qenë në MZHR. Janë disa zyrtarë të lartë të kësaj ministrie që po hetohen nën dyshimin për keqpërdorim të garantëve”.

• Për korrektësi, njoftojmë dhe një herë opinionin publik se në Ministrinë e Zhvillimit Rajonal, nuk ka pas kërkesë apo vizitë nga krimet ekonomike ashtu siç përshkruhet në këtë lajm.
• Ministria e Zhvillimit Rajonal njofton poashtu se nuk ka ndonjë informacion për ndonjë proces hetimor, kërkesë për informatë nga policia, apo ndonjë informacion tjetër  për zyrtarët e apostrofuar në lajm.
• MZHR nuk ka pranuar kërkesë me shkrim nga gazeta në fjalë para publikimit të lajmit, për të dhënë apo për mos të dhënë detaje lidhur me këtë shkrim (ashtu siq thuhet në këtë lajm).

Ministria e Zhvillimit Rajonal, është e përkushtuar që të ndihmoi me të gjitha kapacitetet duke i’u përgjigjur  organeve kompetente për çfarëdo hetimi që mund të bëhet në rast se ka raste të tilla.