Më datë 10.11.2023 në hapësirat e Ministrisë për Zhvillim Rajonal u mbajt takim i parë në mes përfaqësuesve të MZHR-së dhe përfaqësuesve nga Kosova të organizatës ndërkombëtare “Leadership Development Association Europe” (LDA Europe).

Në takim u diskutua për mundësitë e bashkëpunimit në lidhje me organizmin e Konferencave Ndërkombëtare, tashmë të njohura siç janë “LEAPin Conference” e cila është pjesë e konferencës ndërkombëtare “LEAP Summit” me gjenezë në Zagreb Kroaci dhe Konferencën “DREAMin Kosovo” me origjinë nga San Francisko, Californi.

z. Qëndrim Hoxha Drejtor Ekzekutiv (CEO) shoqërohej nga kolegu z.Fatlum Rexhaj, Projekt Menagjer në LDA Europe, ata shpalosën idenë për mundësitë e bashkëpunimit me MZHR-në, poashtu ftuan MZHR-në që të marrë pjesë në Konferencën që mbahet me datë 02.12.2023 në Innovation and Training Park (ITP) Prizren

z.Ylber Çitaku zv. Drejtor i Departamentit për Zhvillim Rajonal dhe Gresa Gashi Zyrtare e lartë për koordinimin e nismave rajonal, falënderuan përfaqësuesit e LDAE për ofertën lidhur me bashkëpunimin e mundshëm dhe ftesën për Konferencë, si dhe mysafirët i njoftuan me punët që po bëhen në MZHR lidhur me realizimin e detyrave të planifikuara duke u fokusuar në temën për të cilën edhe ishte aranzhuar takimi për zhvillimin dhe koordinimin e nismave rajonale.

Në fund të takimit mysafirëve ju premtua se të dy elementet, Mundësia e bashkëpunimit dhe Ftesa për Konferencë do të trajtohen me përgjegjësit më të lartë të Ministrisë për Zhvillim Rajonal dhe me kohë do të njoftojmë lidhur me rrugëtimin e përbashkët në këtë nismë dhe me përfaqësimin e MZHR-së në këtë Konferencë