Më datë 28 mars 2025, znj. Refike Sulcevsi - Drejtoreshë e Departamentit për Koordinim të Politikave dhe Integrimeve Evropiane në MZHR së bashku me stafin e saj, u pritën në takim nga z. Fisnik Reqica – Drejtor i zyrës për Kosovë, me bashkëpunëtorë e tij për të diskutuar mundësitë e bashkëpunimit në funksion të zhvillimit ekonomik rajonal dhe mbështetjes së komunave dhe bizneseve.

Përfaqësuesi i projektit “SwissContact” në Kosovë, z. Fisnik Reqica, prezantoi projektet që mbështesin komunat dhe bizneset në fushën e turizmit dhe rritjen e punësimit, duke u implemetuar në Kosovë përmes PPSE dhe Fego. Nga ana tjetër znj. Refike Sulcevsi shpjegoi programet e Ministrisë për Zhvillimin Rajonal të Balancuar në mbështetjën e komunave, bizneseve dhe OJQ-ve.

Palët u pajtuan të vazhdojnë komunikimin dhe të shikojnë mundësitë e bashkëpunimit lidhur me realizimin e aktiviteteve që kanë impakt të përbashkët ekonomik në komuna dhe biznese.

Në takim morën pjesë znj. Refike Sulcevsi – Drejtoreshë e DIEKP-së në MZHR, z. Arbnor Sadiku - Udhëheqës i Divizionit për Integrime Evropiane, si dhe znj. Alma Ademi, zyrtare për Integrim Evropian.