Refike Sülçevsi

U.D Sekretare e Përgjithshme në Ministrinë e Zhvillimit Rajonal

Email: Refike.Sulcevsi@rks-gov.net

Kontakti: 038 200 64 529

_________________________________________________

BIOGRAFIA

Dr.Refike Sülçevsi u lind më 05.06.1970 në Dobërçan/Gjilan. Shkollën fillore e mbaroi në Dobërçan kurse shkollën e  mesme në Gjilan, si dhe shkollimin e lartë në Universitetin e Prishtinës Fakulteti Filologjik-Drejtimi Turokologji. Studimet post-diplomike i kreu në kolegjin Globus në Menaxhimin e Sektorit Publik në Prishtinë dhe mori titullin master i shkencave publike me temën ‘’Instrumentet e drejtimit të arkivave të institucioneve financiare dhe të ndërmarrjeve’’.

Refike Sülçevsi mori titullin Dr. i Administratës Publike në Institutin e Shkencave Sociale, Universiteti i Trakya-së, në Degën e Administratës Publike, me temën ‘’Historia e Administratës Publike në Kosovë dhe Transformimi Strukturor i Saj’’ në Edirne-Turqi. Po ashtu ka marrë pjesë edhe në shumë trajnime brenda dhe jashtë vendit.

Momentalisht ushtron detyrën e Sekretares së Përgjithshme në Ministrinë e Zhvillimit Rajonal.

Kurse nga data 03. 01. 2022 deri me 04.08.2025 ka qenë drejtoreshë e Departamentit për Integrime Evropiane dhe Koordinim të Politikave në Ministrinë e Zhvillimi Rajonal. Nga 03.09.2021-31.12.2021 u angazhua si Drejtoreshë e Muzeut Shtetëror të Kristaleve dhe Mineraleve-Tepça.

Nga viti 2015-2021 shërbeu si Drejtoreshë e Përgjithshme në Institutin e Kosovës për Administratë Publike (IKAP), në kuadër të Ministrisë së Administratës Publike. Kurse nga korriku 2004-maj 2015 punoi në Agjencinë Shtetërore të Arkivave të Kosovës së pari si Arkiviste dhe Eksperte e gjuhës Osmane dhe pastaj Drejtoreshë e Departamentit të Politikave Zhvillimore. 

Gjate viteve 1997-2006 punoi si mësimdhënëse në Shkollën Fillore Musa Zajmi, në Shkollën e mesme të mjekësisë dr.Asllan Elezi si dhe në shkollën e mesme Zenel Hajdini në Gjilan.

Ajo është gjithashtu themeluese e Shoqatës së Kulturës, Artit dhe Sportit YARIN në Gjilan (1998), dhe shërbeu si kryetare e kësaj shoqate deri në vitin 2006.

Refike Sülçevsi ka marrë pjesë me kumtesa në shumë konferenca vendore dhe ndërkombëtare si dhe ka botuar shumë artikuj shkencorë.

Gjatë viteve 2005-2013 ka bërë shumë hulumtime në arkivat e Turqisë, ku nga këto hulumtime janë sjellë 1.295.287 regjistra të tapive (1845- 1911) si dhe 38261 dokumente me tema të ndryshme (shek. XV-XX). për Vilajetin e Kosovës në Agjencinë Shtetërore të Arkivave të Kosovës. Rezultat i këtyre hulumtimeve ne vitin 2024, është botuar libri me titull ‘’Tapitë e Pronave ne Vilajetin e Kosovës 1847-1912’’.