OJQ “Smart Innovation Centre” organizoi me sukses aktivitetin me temën “Trajnime për Gratë në Zhvillim Rajonal në Ndërmarrësi të Qëndrueshme”, takim ky I mbajtur në  Mitrovicë e Jugut, më datë 12 gusht 2025 si pjesë e implementimit të projekteve financuar nga Ministria e Zhvillimit Rajonal (MZHR) përmes Thirrjes Publike për Mbështetje Financiare të Projekteve/Programëve të OJQ-ve në avancimin e zhvillimit socio-ekonomik rajonal të balancuar.

Në këtë aktivitet, i cili u mbajt, mori pjesë edhe përfaqësuesja e MZHR-së, znj. Gresa Gashi, e cila po ashtu ndjek nga afër monitorimin e projekteve të OJQ-ve.

Ky projekti ka  për qëllim të fuqizoj rolin e grave në zhvillimin ekonomik dhe social të rajonit për një ndërmarrësi të qëndrueshme. Ky trajnim vjen si një përgjigje ndaj nevojave të shumta për rritjen e pjesëmarrjes së grave në sektorin ekonomik dhe për krijimin e mundësive të reja që kontribuojnë në zhvillimin lokal dhe rajonal.

Qëllimi kryesor i këtij trajnimi është t’u ofrojë grave njohuritë, mjetet dhe vetëbesimin e nevojshëm për të ndërmarrë iniciativa ekonomike me ndikim afatgjatë. Përmes një programi të strukturuar dhe praktik, pjesëmarrëset do të mësojnë rreth konceptit të ndërmarrësisë së qëndrueshme, mënyrave për të zhvilluar biznese, si dhe strategjitë për menaxhimin efektiv financiar dhe organizativ.