Në kuadër të implementimit të projekteve nga THIRRJA PUBLIKE PËR MBËSHTETJE FINANCIARE TË PROJEKTEVE/PROGRAMEVE TË OJQ-VE NË AVANCIMIN E ZHVILLIMIT SOCIO-EKONOMIK RAJONAL TË BALANCUAR, OJQ “DKCG”, me seli në Graqanicë, më datë 04.09.2025, ka realizuar aktivitetin me temën „Fuqizimi Ekonomik i Grave“.

Qëllimi kryesor i këtij aktiviteti ka qenë ndërgjegjësimi dhe avokimi për trajtimin e barabartë të grave në shoqëri, si dhe identifikimi i veprimeve konkrete që duhet të ndërmerren në bashkëpunim me institucionet lokale dhe qendrore për aftësimin profesional dhe fuqizimin ekonomik të grave, me synim avancimin e tyre në pozita meritore në jetën sociale dhe ekonomike.

Aktiviteti u moderua nga znj. Milica Popović, menaxhere e projektit dhe organizatore e ngjarjes, e cila njëkohësisht prezantoi objektivat dhe rëndësinë e temës. Ligjëruese në këtë aktivitet ishte znj. Jasna Todorović, e cila ju referua edhe praktikave ndërkombëtare të fuqizimit ekonomik të grave dhe inkurajoi pjesëmarrëset në diskutim aktiv.

Në cilësinë e përfaqësuesit institucional mori pjesë edhe z. Shani Hamitaga, zyrtar i Ministrisë së Zhvillimit Rajonal, i cili monitoron aktivitetet e OJQ-ve të financuara nga kjo ministri.

Ky aktivitet u zhvillua në Graqanicë.