Ministri për Zhvillim Rajonal z. Rasim Demiri bashkë me ekipin e tij Zëvendësministrat znj. Magbule Shkodra dhe Esat Raci, Këshilltarin e Lartë Politik z. Memish Birdainin, si dhe Sekretarin e Përgjithshëm të Ministrisë, z. Besim Kamberaj, vizituan Agjencinë e Zhvillimit Rajonal – Veri, ku në takim i priti Drejtoresha e kësaj agjencie, znj. Rreze Duli me bashkëpunëtorët e Saj.

Kjo vizitë, ishte si rrjedhojë e takimit të realizuar nga Ministri Demiri me drejtorët e agjencive rajonale me datë, 15.11.2017, në të cilën Ministri potencoj se do ti vizitojë të pesë Agjencitë Zhvillimore Rajonale të Kosovës, dhe si rezultat i kësaj, Ministri sot vizitoj AZHR-Veri në Mitrovicë përkatësisht zyrat e saj që ndodhen në Mitrovicë.

Drejtoresha e AZHR-së – Veri, znj. Rreze Duli e njoftoj Ministrin Demiri me punën e kësaj agjencie e cila viteve të fundit ka arritur rezultate shumë të mëdha në ndihmën dhe përmirësimin e sipërmarrësve të rijnë të cilët vendosën të fillojnë bizneset e tyre individuale, si dhe sipërmarrësit ekzistues.

Ministri Demiri vlerësoi lartë punën e të gjitha agjencive dhe që Ministria për Zhvillim Rajonal do ta zgjerojë bashkëpunimin me ta.

Ndër të tjera, z. Demiri deklaroj se puna e AZHR-ve është për çdo lëvdatë sepse keni dëshmuar se grantet që ju jepni përfituesve të rinj dhe ekzistues, janë shfrytëzuar drejtë. Përfituesit e granteve sot janë sipërmarrës të suksesshëm të cilët zgjerojnë kapacitetet e tyre dhe në atë mënyrë krijojnë vende të reja të punës. Edhe ne si Ministri në periudhën e ardhshme do të mbështesim programet e tilla përmes granteve dhe subvencioneve, si dhe së bashku me ju do të punojmë në përmirësimin e jetës së gjithë qytetarëve të Kosovës, tha z. Demiri.

Pas mbajtjes së takimit, Ministri Demiri me ekipin e tij dhe drejtoreshën znj. Reze Dulin me bashkëpunëtorët e saj vizituan fabrikën “Tiki Mosaic” në Mitrovicë e cila është shfrytëzuese e granteve ARDA, e cila merret me prodhimin e pllakave mozaike nga qeramika.