“Qëllimi ynë kryesor është të mbështesim biznesin familjar dhe sekondar përmes granteve dhe projekteve kapitale dhe të krijojmë vende të reja pune, për të ndaluar zhvendosjen e qytetarëve në relacion fshat-qytet, por edhe jashtë vendit“, tha Rasim Demiri Ministër i Zhvillimit Rajonal në takimin e sotëm me zyrtarët e komunës së Dragashit të kryesuar nga Kryetari Shaban Shabani

“Unë mendoj se ky takim do të kontribuojë në përmirësimin e Dragashit në të gjitha sferat e jetës dhe kjo vizitë është mbështetje në çdo plan, madje edhe në planin ekonomik”, tha Kryetari i Komunës së Dragashit Shaban Shabani.

Në një atmosferë miqësore të dy bashkëbiseduesve, ku u diskutua mbi mundësitë e bashkëpunimit dhe investimeve në projekte kapitale dhe të projekteve të tjera, në zonën më jugore të Kosovë, komunë etnikisht të përzier, Ministri Demiri theksoi veçanërisht se Ministria e tij do të “kujdeset që të gjitha rajonet e Kosovës të fitojnë një mundësi në qasje në investime”.

“Qëllimi i Ministrisë sonë është të krijojë bashkëpunim dhe ekuilibër me të gjitha rajonet në vend. Ne fonde të ndara nga Ministria, prej katër milionë, i kemi ndarë në tre kategori të dedikuara; në kategorinë e parë për projekte individuale – për ata që sapo po fillojnë një biznes, në kategorinë e dytë për individët që kanë një firmë për të paktën dy vjet dhe në të tretën për më shumë se dy vjet. Pra, për kategorinë e parë ne ndajmë deri në 5,000 euro, për të dytën 10,000 euro dhe për të tretën 20,000 euro “, theksoi Ministri Demiri.​