Ministria e Zhvillimit Rajonal (MZHR) në bashkëpunim me Institutin Kosovar për Qeverisje Lokale (KLGI), sot me datë 23.10.2019 realizojë takimin konsultativ për shqyrtimin e Draft – dokumentit “Treguesit për monitorimin e zhvillimit socio – ekonomik rajonal të balancuar në Kosovë”. Në këtë takim morën pjesë përfaqësues të: Ministrive të linjës, Agjencisë për Statistika të Kosovës (ASK-së), përfaqësues të komunave, si dhe të AZHR-ve.

Me këtë rast, MZHR prezantoj përmbajtën e dokumentit dhe qëllimin të cilin synon ta arrijë, listën e treguesve, si dhe hapat që do të realizojë në vijim në funksion të zhvillimit të sistemit për matjen e përformncës rajonale në Kosovë. Pjesëmarrësit në takim, paraqiten komentet e tyre lidhur me përmbajtjen e dokumentit, burimet e informacioneve të cilat i kanë në dispozicion nga fushat përkatëse, si dhe vullnetin për te bashkëpunuar në vazhdimësi me MZHR-në lidhur me krijimin dhe funksionalizimin e një sistemi efikas të matjes së përformancës rajonale.

Pjesëmarrësit, u pajtuan me qëllimin që synon ta arrijë MZHR përmes përcaktimit të këtyre treguesve, në kuptim të pasqyrimit të saktë të gjitha zhvillimeve sociale dhe ekonomike në nivel lokal dhe rajonal, e të cilat pastaj do të ju shërbenin Institucioneve të nivelit lokal dhe qendror si burime të vlefshme të informacionit, në procesin e planifikimit të politikave investuese për vitet në vijim.

Ministria e Zhvillimit Rajonal, u zotua se do të mbetet e përkushtuar që në bashkëpunim me ministri të linjës, Agjencinë e statistikave të Kosovës, të gjitha komunat, AZHR-të, si dhe me meknizma tjerë përkrahës siç është edhe Instituti KLGI, të zhvillojë politika dhe dokumente që do të ndikojnë në zhvillimin social dhe ekonomik rajonal të balancuar në Kosovë.