Konform mandatit ligjor dhe Planit të Punës së vitit 2019, përfaqësues të Ministrisë së Zhvillimit Rajonal (MZHR) dhe Ministrisë së Tregtisë dhe Industrisë (MTI), sot me datë 02.09.2019 realizuan një vizitë në Zonën Ekonomike “Parku i Biznesit në Drenas”.

Kjo ishte vizita e parë e realizuar konform një Plani të përbashkët për vizita në zona ekonomike të aprovuar nga dy institucionet në fjalë, e cila kishte për qëllim sigurimin e një pasqyrimi të funksionimit të bizneseve në kuadër të zonës përkatëse ekonomike.

Përmes realizimit të këtyre vizitave dhe plotësimit të disa pyetësorëve me përfaqësues të bizneseve, MZHR synon të identifikojë nevojat dhe vështirësitë me të cilat ballafaqohen bizneset në kuadër të zonave ekonomike, si dhe konform mandatit që ka të përcaktuar me legjislacionin në fuqi, të identifikojë dhe zhvilloj politika dhe programe për përkrahje të zonave ekonomike në vitet në vijim.

MZHR dhe MTI do të vazhdojnë ditëve në vijim me realizimin Planit për vizita edhe në zonat tjera ekonomike në Kosovë.