Sot me datë 27 Qershor 2019, përfaqësues nga Ministria e Zhvillimit Rajonal dhe Oda Ekonomike Gjermane, mbajtën takim për shqyrtimin e mundësive për bashkëpunim në të ardhmen, në kontekst të avancimit të zhvillimit socio – ekonomik rajonal të balancuar.

Përfaqësuesit e MZHR-së dhe Odës Ekonomike Gjermane në Kosovë, prezantuan aktivitet e tyre për vitin 2019 dhe planifikimet për vitet tjera, për përkrahje të bizneseve dhe sektorit privat në përgjithësi. Të njëjtat, u dakorduan të vendosin bashkëpunim për një numër të aktiviteteve me interes të përbashkët, lidhur me ngritjen e kapaciteteve të rinjve për të bërë biznes, përkrahjen e bizneseve aktuale në Kosovë për të krijuar linja bashkëpunimi me ato në Gjermani, si dhe për krijimin e mundësive për marrjen e praktikave më të mira të bërit biznes nga shteti Gjerman dhe aplikimin e tyre në Kosovë.