Në kuadër të “Thirrjes publike për mbështetje financiare të projekteve –programeve të OJQ-ve“, me synim të zhvillimit socio-ekonomik rajonal te balancuar, thirrje kjo e lansuar nga Ministria e Zhvillimit Rajonal-MZHR, organizata përfituese Agjencia për Zvillim Rajonal – Jug është duke implementuar projektin: “Promovimi dhe ngritja e kapacitetëve lokale në zhvillimin socio-ekonomik rajonal të balancuar në rajonin Jug”

Në vazhdën e implementimit të projektit Agjencia për Zhvillim Rajonal Jug në bashkëpunim me Ministrinë e Zhvillimit Rajonal dhe Drejtorit Komunale për Zhvillim Ekonomik të komunave: Prizren, Dragash, Suharek dhe Rahovec, kanë mbajtur takim me datë 06.06.2019 me këtë agjend:

• “Prezantimin e raportit të hulumtimit rreth investimeve nga jashtë dhe nga brenda në rajonin jug” (përfshire këtu investimet publike dhe private).
• Trajnimi për Planifikimin e përkrahjes së bizneseve përmes politikave lokale stimuluese”

me temat:

– Planifikimi dhe organizimi i skemave për përkrahjen e sektorit privat në komunë dhe

– Organizimi i skemave të grandëve sipas politikave zhvillimore të Bashkimit Evropian.

Në cilësin e monitoruesit të këtij aktiviteti, të pranishëm ishin edhe përfaqësues nga MZHR, znj. Arta Ahmeti –Xhylani Drejtoreshë e Departamentit për Integrime Evropiane dhe Koordinim të Politikave, dhe z. Xhevat Sefaj Kryesues i ekipit monitorues për implementimin e projektëve të OJQ-ve në MZHR.

Në fund të takimit u bë shpërndarja e certifikatave për pjesëmarrësit në trajnimin “Planifikimi i përkrahjes së bizneseve përmes politikave lokale stimuluese”.