Sot u mbajt ceremonia e nënshkrimit të kontratave me përfituesit e skemës PZHRB 2019, ceremoninë e hapi Sekretari i Përgjithshëm z.Fatos Qerimi, pastaj Ministri i Zhvillimit Rajonal z.Rasim Demiri urojë përfituesit për përzgjedhjen e projekteve të tyre për financim nga MZHR, duke ju dëshiruar implementim të suksesshëm të projekteve të tyre. Ministri Demiri nënshkroi kontratat me 209 përfitues të Skemës së Granteve “ Programi për Zhvillim Rajonal të Balancuar”- PZHRB 2019.

Ministri Demiri, theksoj se ky është viti i dytë që MZHR implementon këtë program, me qëllim të avancimit të zhvillimit socio – ekonomik rajonal të balancuar përmes: gjenerimit të vendeve të reja të punës, përkrahjen e bizneseve për zgjerimin e kapaciteteve të tyre të funksionimit, si dhe me qëllim të zëvendësimit të importit dhe rritjen e eksportit të produkteve vendore.

Për dallim nga viti 2018, me përkrahjen e Ministrisë së Administratës Publike, MZHR në vitin 2019 ka avancuar sistemin e aplikimit nga kopjet fizike në sistemin elektronik SMAED, sistem ky i cili ka rezultuar në rritjen e transparencës dhe llogaridhënies.

Gjithashtu, Ministri Demiri theksoj se marr parasysh sukseset e realizimit të këtij programi në vitin 2018 dhe realizimin efikas të tij, MZHR ka arritur ta rris buxhetin për këtë program nga 1.4 sa ishte në vitin 2018, në 2.4 milion në vitin 2019. Ministri Demiri ju ofrojë përfituesve përkrahjen e MZHR-së lidhur me implementimin e projekteve, duke kërkuar gjithashtu edhe nga ana e tyre që të ju përmbahen obligimeve të parapara.

Kontratat u nënshkruara sot, ishin me përfituesit e Lot 1 (Start up), Lot 2 (biznese ekzistuese me kohëzgjatje të funksionimit deri 2 vite) dhe Lot 3 (biznese ekzistuese me kohëzgjatje të funksionimit më shumë se 2 vite), të pesë (5) rajoneve socio-ekonomike zhvillimore: Qendër, Veri, Lindje, Perëndim dhe Jug.

Në fund, Drejtori i Departamentit për Zhvillim Rajonal: Z. Besim Kamberaj mbajti një prezantim për përfituesit lidhur me procesin e implementimit.