Sot me datë 23.07.2020, Ministria e Zhvillimit Rajonal (MZHR) në bashkëpunim me Institutin Kosovar për Qeverisje Lokale organizuan punëtorinë në lidhje me inkorporomini e pjesës së dytë të komenteve të Zyrës për Planifikim Strategjik-ZPS, në Draft – Strategjinë për Zhvillimit Rajonal.

Punëtoria kishte për synim diskutimin dhe kompletimin e objektivave strategjike që duhet të vendosen në këtë dokument strategjik me fokus të plani i veprimit, indikatorët dhe impakti financiar i strategjisë të prezantimit dhe mundësisë së përfshirjes së komenteve të Zyrës për Planifikim Strategjik në Draft-Strategjinë për Zhvillim Rajonal.

Strategjia e Zhvillimit Rajonal 2020-2030, përcakton qëllimet dhe prioritetet afatgjata për zhvillim rajonal, si dhe i jep hapësirë koordinimit të politikave, të cilat kontribuojnë në zhvillimin e balancuar të rajoneve. Ky dokument do të shërbejë si udhëzues i zhvillimit ekonomik lokal dhe rajonal, dhe njëkohësisht mundëson ndërmarrje e iniciativave për implementimin e projekteve të përbashkëta zhvillimore.

Njëherësh luan rol të rëndësishëm për arritjen e qëllimeve dhe prioriteteve për zhvillim rajonal nëpërmjet politikave dhe strategjive sektoriale, të cilat kontribuojnë në zhvillimin e balancuar të rajoneve.

Në takim morën pjesë: Përfaqësues të Institutin Kosovar për Qeverisje Lokale, përfaqësuesit të Zyrës për Planifikim Strategjik-ZPS, Shefi i Kabinetit të Ministrit të MZHR-së z.Furkan Erguler, si dhe përqafuesit nga Ministra e Zhvillimit Rajonal.