Ministri i Zhvillimit Rajonal z.Enis Kervan së bashku me znj.Arta Ahmeti Xhulani – Drejtoreshë e Financave dhe Shërbimeve të Përgjithshme dhe z.Besim Kamberaj – Drejtor i Zhvillimit Rajonal, kanë pritur në takim pune Drejtoreshën e EBRD-së (Banka Evropiane për Rindërtim dhe Zhvillim) në Kosovë znj. Leonora Kusari me të cilën janë dakorduar për një bashkëpunim të mundshëm për asistencë teknike që e ofron programi i EBRD-së me fokus në përkrahjen e bizneseve të vogla në pesë Rajonet e Zhvillimore në Kosovë, të cilat janë afektuar edhe nga situata pandemike.

Drejtoresha e EBRD-së znj.Leonora Kusari, shprehu gatishmërinë e saj dhe të institucionit që përfaqëson për të bashkëpunuar me Ministrinë e Zhvillimit Rajonal në përkrahjen e bizneseve të vogla në mënyrë që të tejkalohen pengesat dhe problemet e shkaktuara nga situata pandemike në vend duke formaziluar këtë përkrahje edhe me një marrëveshje të bashkëpunimit në të ardhmen e afërt.