Ministri i Ministrisë së Zhvillimit Rajonal z. Enis Kervan dhe Shefi i Zyrës së Bankës Evropiane për Rindërtim dhe Zhvillim (BERZH) z. Neil Taylor, sot me datë 06 Tetor 2020 nënshkruan Letër Bashkëpunimi për të ardhmen. Nënshkrimi i kësaj letre, u bë në vazhdën e përpjekjeve të dyja palëve për ndërtimin e bashkëpunimit më qëllim të avancimit të zhvillimit socio – ekonomik rajonal të balancuar në Kosovë, me fokus të veçantë “Përkrahjen e ndërmarrjeve mikro, të vogla dhe të mesme (“NMVM”) përmes aktiviteteve për këshillim dhe forcim të konkurencës ndërmjet tyre.

MZHR dhe BERZH, përmes kësaj letre përcaktuan edhe fushat e bashkëpunimit, të cilat do të konkretizohen në ditët në vijim përmes përgatitjes së planeve konkrete të realizimit të aktiviteteve të përbashkëta për të mirën e NMVM-ve në Kosovë. Në fund, të dyja palët u dakorduan të realizojnë takime të rregullta gjashtë (6) mujore, për monitorimin e realizimit të detyrave të parapara në letrën e bashkëpunimit.