Sot me datë 09. tetor, 2020, përfaqësuesit e Ministrisë së Zhvillimit Rajonal, pritën në takim përfaqësuesin nga Oda Tregtare Kosovaro Turke z. Esin Musbeg. Qëllimi i realizimit të këtij takimi, ishte diskutimi i të gjitha mundësive të bashkëpunimit në të ardhmen, në kontekst të përkrahjes së bizneseve mikro dhe të vogla në Kosovë.

Pas prezantimit të aktiviteteve që realizojnë të dyja palët, mundësive që i kanë për bashkëpunim, të njëjtat evidentuan një numër të aktiviteteve që mund të realizohen bashkërisht në të ardhmen, duke filluar me krijimin e lidhjeve ndërmjet bizneseve kosovare me ato turke dhe anasjelltas, ngritjen e kapaciteteve të bizneseve dhe stafit të tyre nga Oda, si dhe përkrahjen e bizneseve kosovare për pjesëmarrje në panaire të ndryshme në Turki.

MZHR dhe Oda Tregtare Kosovaro Turke, u dakorduan që në ditët në vijim, të formalizojnë bashkëpunimin e tyre për të ardhmen, përmes nënshkrimit të një memorandumi të bashkëpunimit, si hap i parë për të vazhduar realizimin e aktiviteteve konkrete.