Më 23.10.2020, Ministri i Ministrisë së Zhvillimit Rajonal (MZHR)-së, merr pjesë në “Konferencën Ndërkombëtare të Parlamentit Rural, Edicioni i parë” 2020, që mbahet për herë të parë në Kosovë, në Hotel Sharrri, në Prevallë.

Qëllimi i kësaj punëtorie “Konferenca Ndërkombëtare të Parlamentit Rural – Edicioni i parë”, është përkrahja e kësaj ngjarje e cila është mbështetur edhe nga MZHR me qëllim të promovimit të zhvillimit socio-ekonomik rajonal të balancuar në Kosovë.

Ministri i MZHR-së z. Enis Kervan, theksoi se ne si ministri mbetemi të përkushtuar të trajtojmë seriozisht dhe të përkrahim iniciativat që vijnë nga shoqëria civile, si dhe bashkëpunimin me secilin institucion apo partner vendor e ndërkombëtar, me qëllim të realizimit të aktiviteteve me interesa të përbashkëta, për avancimin e zhvillimit socio-ekonomik Rajonal.

Pjesëmarrës në këtë punëtori ishin edhe zyrtarë tjerë nga MZHR Udhëheqësi i Divizionit për Integrime Evropiane, z. Arbnor Sadiku, Sabajete Kabashi zv.Auditore e Brendshme, grupet lokale të veprimit rural, si dhe pjesë e takimit në formë virtuale (online) ishin: z.Aris Adlers – President i PREPARE, z. z.Petar Gerogievski – President i BRDN si dhe Znj Anneli Leina – Drejtoreshë Regjionale e WE Effect Europe.

Kjo konferencë është organizuar nga Rrjeti i organizatave për Zhvillim Rural dhe Ve Effect Europe.