Me qëllim të inkurajimit të komunikimit të komunave brenda rajoneve dhe stimulimit të zhvillimit socio – ekonomik rajonal të balancuar, MZHR po vazhdon me realizimin e vizitave në komuna. Sot me datë 23 Tetor 2020, përfaqësues të MZHR-së vizituan dy komunat e Rajonit Zhvillimor Jug: Komunën e Prizrenit dhe Komunën e Suharekës.

Përfaqësuesit e MZHR-së dhe drejtorët përkatës për zhvillim ekonomik dhe drejtorët përkatës për kulturë rini dhe sport të dy komunave, diskutuan bashkëpunimin e deritanishëm të komunave në fjalë me MZHR-në, aktivitetet dhe bashkëpunimet ndërkomunale të realizuara në të kaluarën brenda Rajonit Zhvillimor Jug. Të njëjtit, prezantuan edhe nevojat dhe kapacitetet për bashkëpunim në të ardhmen, si dhe rolin përkrahës të cilin mund ta ketë MZHR.

Marrë parasysh planifikimet strategjike të MZHR-së dhe planet zhvillimore komunale të komunave në fjalë, palët evidentuan një mori të temave dhe aktiviteteve socio – ekonomike të cilat mund të realizohen dhe të cilat mund të kenë impakt rajonal të zhvillimit.

Në fund, palët u pajtuan për realizimin e takimeve me të gjëra në të ardhmen, me përfshirjen e të gjitha komunave të Rajonit Zhvillimor Jug, të cilat do të rezultonin me konkretizim të ideve dhe aktiviteteve me interesa të përbashkëta, e të bashkëpunimeve të cilat kontribuojnë në zhvillimin socio – ekonomik të këtij rajoni zhvillimor.