Përfaqësuesit e Ministrisë së Zhvillimit Rajonal, me datë 27.10.2020 vizituan dy (2) komunat e rajonit zhvillimor Perëndim: Komunën e Pejës dhe Komunën e Gjakovës. Përfaqësuesit e MZHR-së, u pritën nga drejtorët përkatës për zhvillim ekonomik dhe drejtorët përkatës për kulturë rini dhe sport të dy komunave. Tema të diskutimit në takime, ishin: historiku i bashkëpunimeve ndërmjet komunave të këtij rajoni, nevojat dhe potencialet për bashkëpunim lidhur me realizimin e aktiviteteve/projekteve me impakt rajonal, si dhe rolin përkrahes të MZHR-së. Me këtë rast, MZHR prezantoj para komunave në fjalë aktivitetet që është duke i realizuar dhe i ka në plan të realizimit me partnerë ndërkombëtar, në aspekt të përkrahjes së sektorit privat për ngritjen e kapaciteteve të tyre.

Përfaqësuesit e MZHR-së dhe të dy komunave, diskutuan të gjitha aktivitetet dhe bashkëpunimet ndërkomunale të realizuara në të kaluarën dhe që janë në proces të realizimit nga komunat brenda Rajonit Zhvillimor Perëndim, nevojat aktuale dhe përkushtimin e komunave për bashkëpunim lidhur me realizimin e projekteve me impakt rajonal për shkak të potencialeve të mëdha që ka ky rajon në turizëm dhe sektorë tjerë. Në fund, palët evidentuan një mori të temave dhe aktiviteteve socio – ekonomike të cilat mund të realizohen në të ardhmen me përkrahjen edhe nga MZHR dhe të cilat kanë impakt rajonal të zhvillimit.