Ministria e Zhvillimit Rajonal (MZHR) së bashku Bankën Evropiane për Rindërtim dhe Zhvillim (BERZH) si dhe udhëheqësit e Klubit të Prodhuesve të Kosovës, sot me datë 03 Nëntor 2020 mbajtën takimin e radhës për - Thirrjen e bizneseve për regjistrim dhe pjesëmarrje në Akademinë “Know-How".

Qëllimi i takimit ishte diskutimi dhe  plani i  përbashkët i veprimit në vazhdën e takimeve të përbashkëta që po realizohen në mes MZHR-së dhe BERZH-it, në kuadër të akademisë  "Know-How", e cila  është një platformë informative ku sipërmarrësit mund të përftojnë këshilla praktike, përfshirë edhe materiale trajnimi apo konsulencë mbi menaxhimin e krizës, nga ekspertë ndërkombëtarë të industrisë, ku mund t’i bashkohen forumeve të diskutimit me homologë të vendeve të tjera.

Në ketë takim u përfshinë aktivitete që hyjnë në funksion të ngritjes së kapaciteteve të ndërmarrjeve mikro dhe të vogla, dhe si rrjedhoje e diskutimit doli konkluzion që me krijimin e kushteve të lirimit të  masave nga pandemia të organizohen takime punuese dhe sesione informues në mes Klubit të Prodhuesve të Kosovës dhe AZHR-ve gjithnjë në mbështetje të MZHR-së dhe BERZH-it.

Pjesëmarrës në këtë takim ishin: z. Besim Kamberaj - zv.Sekretari i Përgjithshëm i Ministrisë së Zhvillimit Rajonal, Znj.Leonora Kusari – BERZH si dhe udhëheqësit e Klubit të Prodhuesve të Kosovës, konkretisht niveli më i lartë i kësaj Organizate dhe atë Drejtori Ekzekutiv z.Astrit Panxha dhe z.Vllaznim Osmani- Sekretari Gjeneral.