Në vazhdën e bashkëpunimit të realizuar ndërmjet: Ministrisë së Zhvillimit Rajonal (MZHR-së) dhe Bankës Evropiane për Rindërtim dhe Zhvillim (BERZH), përfaqësuesit e te dyja palëve u takuan sot për hartimin e Planit të veprimit për realizimin e aktiviteteve të përbashkëta. Ky dokument, përfshinë periudhën: pjesën e mbetur të vitit 2020 dhe gjashtë (6) mujorin e parë të vitit 2021. Realizimi i këtij aktiviteti, u bë duke u bazuar në Letrën e bashkëpunimit të nënshkruar paraprakisht ndërmjet palëve, me datë 06 tetor 2020.

Në planin e përbashkët të veprimit, u përfshinë aktivitete që hyjnë në funksion të ngritjes së kapaciteteve të ndërmarrjeve të mikro, të vogla dhe të mesme, përkrahjen e tyre përmes këshillimit për menaxhim efikas financiar dhe të kontabilitetit, si dhe mbështetjen e dixhitalizimit të tyre dhe pozicionimin e produkteve të tyre në treg, përmes platformave të shitjeve në internet.