Sot me datë 07.05.2020, Zëvendësministri i Ministrisë së Zhvillimit Rajonal (MZHR-së) z. Bashkim Nurboja së bashku me përfaqësuesit tjerë të Ministrisë realizuan takime pune me Kryetarin e komunës së Istogut z.Haki Rugova si dhe me kryetarin e komunës së Pejës z. Gazmend Muhaxheri .

Temë e takimeve ishte informimi lidhur me lansimin e Skemës së Granteve -Programi i Zhvillimit Rajonal PZHR 2020 (investime kapitale për komuna) dhe Programin për Zhvillim Rajonal të Balancuar PZHRB 2020 (grante për biznese) për v.2020, që kanë për qëllim të kontribuojnë në krijimin e kushteve për zhvillimin socio ekonomik rajonal të qëndrueshëm në të gjitha rajonet ekonomike të Kosovës.

Në këto takime kryetarët e Komunave si dhe Drejtorët e Drejtorive përkatëse u informuan më hollësisht për Skemën në fjalë, njëkohësisht të njëjtit u inkurajuan që për Komunat e tyre të aplikojnë me projekte konkrete kapitale.

Zv.Ministri u falënderua nga kryetarët e këtyre Komunave për mbështetjen e vazhdueshme të Ministrisë së Zhvillimit Rajonal.