Me datë 20/02/2020 u mbajt takimi në zyrat e OSCE-së në Prishtinë, në mes të përfaqësuesve të Ministrisë së Zhvillimit Rajonal(MZHR)/DIEKP dhe atyre OSCE-së, përkatësisht Udhëheqësin e Divizionit për Integrime Evropiane z. Arbnor Sadiku, Zyrtarit të Integrimeve Evropiane z. Xhevat Sefaj si dhe përfaqësuesit të OSCE-së z. Fatmir Zylfijaj.

Qëllimi i takimit ishte mundësia e bashkëpunimit të ndërsjellët në mes MZHR-së dhe OSCE-së, përfshirjes në aktivitete të përbashkëta në grupe punuese, tryeza, dhe konferenca, që kanë për qëllim fushat e zhvillimit ekonomik lokal, ndër-komunal, rajonal, si dhe atë të integrimeve evropiane.

Të dy palët u dakorduan për bashkëpunim në mundësin që OSCE të ketë në agjendë financimin të një apo dy sesioneve me komuna, rreth aktivitetit: Promovimi i Strategjisë për Zhvillim Rajonal, si dhe pjesëmarrja e MZHR-së në takimet që organizon OSCE, me zyrtarë të integrimeve evropiane dhe atyre të zhvillimit ekonomik.