Sot me datë 30.01.2020 përfaqësuesit e Ministrisë së Zhvillimit Rajonal përkatësisht Udhëheqësi i Divizionit për Integrime Evropiane, në MZHR, z. Arbnor Sadiku dhe zyrtari i integrimeve evropiane, z. Xhevat Sefaj, mbajtën një takim me përfaqësuesit e Ministrisë së Integrimeve Evropiane, përkatësisht me drejtorin e politikave socio-ekonomike, z. Jeton Karaqica, si dhe Udhëheqësin e Divizionit për Ekonomi, Zhvillim Rajonal dhe Statistika, z. Valon Avdiu.

Vlen të theksohet se ky ishte takimi i parë i bashkëpunimit për vitin 2020 në mes të dy ministrive me interes të përbashkët, me qëllim të vazhdimit të bashkëpunimit duke u përfshirë në aktivitete të përbashkëta, sidomos në grupe punuese, tryeza, konferenca, që ndërlidhen me integrime evropiane.

Po ashtu, si konkluzione nga ky takim ne mes të përfaqësuesve të e Ministrisë së Integrimeve Evropiane dhe Ministrisë së Zhvillimit Rajonal dolën:

-Me iniciativë të MZHR-s, u dakorduam që MZHR dhe MIE do të nisin përgatitjet për organizimin e disa trajnimeve të përbashkëta për zyrtaret komunal të integrimeve, me fokus në temat : MSA, IPA, dhe zhvillimi rajonal, në modulin e 5 rajoneve ekonomike;

-Përfshirja e MZHR-së në Komisionin Qeveritar për Integrime Evropiane;

-Raportimi i MZHR-së, në Inputet I dhe II;

-Përfshirja e dy anshme reciproke në grupet punuese për hartim të akteve ligjore dhe nën ligjore;

-Ne si MZHR, do të organizojmë një takim me MIE-në, në zyrat tona;

-Rishikimi i mundësive që përmes MIE-s, dhe zyrës së BE-së në Kosovë, të përfitohet nga MZHR, ndonjë asistencë teknike;

-MZHR u zotua se do të raportoj në PKZMSA, në periudhat raportuese;