Ministria e Zhvillimit Rajonal e udhëhequr nga Ministri z.Ivan Millojeviq sot ka nënshkruar marrëveshjen e mirëkuptimit me komunën përfituese të Mitrovicës së Jugut në kuadër të Programit për Zhvillim Rajonal PZHR 2020 për projekte të investimeve kapitale.

Zëvendës Ministri i MZHR-së z.Bashkim Nurboja përgëzoj komunën përfituese dhe i uroj suksese në zbatimin e projektit të përbashkët:

– Ndërtimi dhe asfaltimi i rrugëve në Bajgorë, Mitrovicë

Kryetari i komunës së Mitrovicës së Jugut z. Agim Bahtiri ka falënderuar Ministrin e Zhvillimit Rajonal për përkrahjen dhe u zotua se do ta realizojë projektin me përkushtim me qëllim të përmirësimit të cilësisë së shërbimeve ndaj qytetarëve.