Në vazhdën e përpjekjeve për thellimin e bashkëpunimit në fushën e zhvillimit socio – ekonomik rajonal, përfaqësues të Ministrisë së Zhvillimit Rajonal dhe GIZ-it në Prishtinë, realizuan një takim virtual sot me datë 18.11.2020. Palët diskutuan një mori të aktiviteteve potenciale për bashkëpunim në vitin 2021, që ndërlidhen me përkrahjen e MZHR-së në realizimin e objektivave strategjike të saj në fushën e zhvillimit rajonal dhe vazhdimin e përkrahjes së komunave me programe dhe skema në të cilat edhe GIZ do të mund të marrë pjesë.

Duke parë përkushtimin dhe vullnetin e dyja palëve për bashkëpunim dhe meqenëse ekzistojnë aktivitete të përshtatshme për bashkëpunim palët vendosëm për organizimin e një punëtorie virtuale, në të cilën do të ftojnë të marrin pjesë edhe përfaqësues të gjitha njësive të MZHR-së, disa programeve të GIZ-it, si dhe të akterëve tjerë të jashtëm, si palë të treta. Marrë parasysh diskutimet e deritanishme dhe listën e aktiviteteve të shqyrtuara bashkërisht, palët potencuan se realizimi i kësaj punëtorie, do të mund të rezultojë në arritjen e një marrëveshje të bashkëpunimit për të ardhmen: MZHR – GIZ.