Sot, me datë 10 Dhjetor 2020, Ministria e Zhvillimit Rajonal (MZHR) dhe Deutche Gesellschaft fur Internationale Zusannebarbeit (GIZ) GmbH, realizuan punëtorinë/virtuale “Monitorimi i Zhvillimit Socio – Ekonomik Rajonal të Balancuar në Kosovë. Në këtë punëtori ishin të ftuar Departamentet përkatëse të MZHR-së, Agjencitë për Zhvillim Rajonal ( AZHR-të) dhe përfaqësues nga organizata GIZ.

Realizimi i kësaj punëtorie u bë me qëllim të prezantimit të programeve, politikave dhe aktiviteteve në fushën e zhvillimit rajonal si dhe gërshetimit të mundësive të përbashkëta për bashkëpunim mes dy organizatave. Ministria e Zhvillimit Rajonal prezantoj orientimet e sajë strategjike,  programet dhe politikat  për zhvillim rajonal si dhe gjitha aktivitetet që ndërlidhen me monitorimin e zhvillimit socio-ekonomik  rajonal të balancuar.

Gjithashtu përfaqësuesit nga GIZ prezantuan programet e tyre të cilat janë duke i implementuar në koordinim me nivelin qendror dhe lokal, si dhe realizuan prezantimin e projektit të Grantit të performancës komunale për menaxhimin e mbeturinave, projekt ky i implementuar me marrëveshje tripalëshe GIZ, MEA dhe MPL. Gjatë takimit u diskutua në formë të detajuar rreth modaliteteve dhe mundësive të bashkëpunimit si dhe mbështetjes që mund të afrojë GIZ si ne burime kuadrovike, punëtori dhe realizim të përbashkët të skemave për mbështetjen e projekteve kapitale në komunat e Kosovës.

Takimi u përmbyll sipas agjendës së parapare dhe u dakordua që palët të vendosin themelet e para  të bashkëpunimit duke identifikuar intereset e përbashkëta në fushën e zhvillimit rajonal.