Zëvendësministri në Ministrinë e Ekonomisë, Punësimit, Tregtisë, Industrisë, Ndërmarrësisë dhe Investime Strategjike (MEPTINIS) z. Edison Jakurti dhe Zëvendësministri në Ministrinë e Zhvillimit Rajonal (MZHR-së) z. Bashkim Nurboja, vizituan Zonën Ekonomikë “Parku i Biznesit në Drenas”.

Zëvendësministrat u shoqëruan nga përfaqësues të KIESA-ës dhe të dy ministrive: MZHR dhe MEPTINIS. Realizimi i kësaj vizite u bë me qëllim të komunikimit me bizneset që funksionojnë në kuadër të kësaj zone, të shihen dhe diskutohen vështirësitë e funksionimit të tyre, me fokus siç është gjendja e tanishme me Pandeminë COVID – 19, si dhe të diskutohët përkrahja që ju duhet këtyre bizneseve nga ana shtetit.

Përfaqësuesit e bizneseve të vizituara, mirëpriten këtë vizitë dhe e vlerësuan shumë vullnetin e dy zavendësministrave që kishin për të vizituar këtë zonë dhe të shohin nga afër kushtet dhe mundësitë e funksionimit të tyre. Të njejtit, theksuan se edhe pse në kohë të pandemisë, jemi duke vazhdu me punu me numër të reduktuar të punëtorëve gjatë muajit Prill 2020, duke shpresuar se në muajin Maj veç do të fillojmë të punojnë me kapacitet të plotë. Gjithashtu, prezantuan edhe një mori të avantazheve të funksionimit në kuadër të zonave, duke theksuar infrastrukturën e mirë dhe kushtet tjera që ofron zona, por pa lënë anash edhe disa vështirësi që kanë si biznese, siç janë: hapësirat jo të mjaftueshme, qiraja, si dhe pa’mundësia e marrjes së kredive dhe vënies në hipotek të parcelave që i kanë në shfrytëzim.

Zëvendësminitrat z.Jakurti dhe z.Nurboja, prezantuan mandatet e ministrive që përfaqësojne, programet dhe përkushtimin e tyre për përkrahjen e bizneseve në të ardhmen.