Përfaqësues të Ministrisë së Zhvillimit Rajonal (MZHR-së) dhe Ministrisë së Tregtisë dhe Industrisë (MTI-së), u takuan sot me datë 23.01.2020 me qëllim të diskutimit të aktiviteteve të planifikuara për vitin 2020 dhe koordinimit ndër-institucional për realizimin e tyre.

Me këtë rast, të dyja palët vlerësuan lartë bashkëpunimin e realizuar në vitin 2020 në funksion të zhvillimit të zonave ekonomike dhe fushave tjera me interes të përbashkët. Në këtë aspekt i vunë theks hartimit të Analizës për Funksionimin e Zonave Ekonomike në Kosovë, dokument ky i hartuar në koordinim të dyja palëve gjatë vitit 2019. Ndërsa, diskutuan të gjitha aktivitetet për të cilat do të kishin interes të përbashkët për bashkëpunim gjatë vitit 2020, në funksion të zhvillimit dhe avancimit të sektorit të investimeve kapitale dhe përkrahjes së sektorit privat.

Me qëllim të realizimit të hapave konkrete, palët u pajtuan që të vazhdojnë me kontakte edhe më të shpeshta, duke përfshi njëra tjetrën në grupe punuese për hartim të politikave dhe legjislacionit, përgatitjes së aktiviteteve të përbashkëta në funksion të përkrahjes së bizneseve dhe ngritjes së kapaciteteve të tyre, si dhe lidhur me pjesëmarrjen në nisma rajonale.