Sekretari i Përgjithshëm i Ministrisë së Zhvillimit Rajonal z. Fatos Qerimi me bashkëpunëtor, është duke e realizuar një vizitë zyrtare në Berlin/Gjermani, me qëllim të pjesëmarrjes në aktivitetin “Global forum for food and agriculture 16 – 18 January 2020, Berlin“.

Me përkrahje edhe të Ambasadës së Kosovës në Berlin, Sekretari i Përgjithshëm po realizon takime me përfaqësues institucional dhe të fushës së biznesit të vendeve të ndryshme pjesëmarrëse në këtë Forum, me qëllim të shkëmbimit të përvojave dhe shqyrtimit të mundësive për realizimin e bashkëpunimeve në të ardhmen.

Ndër të tjera, Sekretari i Përgjithshëm e ka në agjendë edhe takimin me Ambasadorin e Kosovës në Berlin z. Beqë Cufaj, si dhe takime me biznesmen dhe shoqata të bizneseve shqiptare në Gjermani.