Më datë 16.02.2021 z.Besim Kamberaj- zv.Sekretar i Përgjithshëm i Ministrisë së Zhvillimit Rajonal priti në takim përfaqësuesit e projektit “Demos”, ku u diskutua për mundësitë e bashkëpunimit në të ardhmen me projektin në fjalë.

Përfaqësuesit e projektit “Demos” në Kosovë z. Ertan Munoglu dhe z. Shpend Emini shpjeguan detajet e projektit të cilat është duke i implementuar Demos në Kosovë, dhe të cilat kanë impakt në grantin për përformacen komunale.

Të dyja palët u pajtuan që të shiqojnë mundësitë e bashkëpunimit lidhur me realizimin e aktiviteteve që kanë impakt të përbashkët ekonomik në komuna, përmes investimeve kapitale.

Në takim morën pjesë: z.Besim Kamberaj - zv.Sekretar i Përgjithshëm i MZHR-së, z. Arbnor Sadiku –Udhëheqës i Divizionit për Integrime Evropiane, si dhe përfaqësuesit nga ana e Demos, z. Ertan Munoglu dhe z. Shpend Emini.