Qeveria e Republikës së Kosovës, me datë 26.02.2021 ka aprovuar Strategjinë për Zhvillim Rajonal 2020 – 2030 dhe Planin e veprimit për zbatimin e saj. Bazuar në Vendimin Nr. 05/67 të Qeverisë për aprovimin e kësaj strategjie, obligohet Ministria e Zhvillimit Rajonal dhe të gjitha institucionet kompetente për zbatimin e Strategjisë dhe Planit të Vepimit.

Ministri i Zhvillimit Rajonal z. Enis Kervan, e mirëpriti aprovimin e këtij dokumenti dhe me këtë rast shpreh mirënjohje për angazhimin e stafit të Ministrisë dhe Grupit Punues ndër-institucional, që kanë kontribuar në finalizimin e dokumentit në fjalë. MZHR, do të realizojë veprimet tjera pasuesue, në kontekst të promovimit të dokumentit dhe realizimit në përpikëri të objektivave dhe aktiviteteve të cilat përcaktohen me këtë Strategji.

Strategjia për Zhvillim Rajonal dhe Plani i veprimit, përmbajnë tri (3) objektiva strategjike:

• Koordinimi i politikave për zhvillim rajonal;
• Zhvillim rajonal i balancuar dhe rajone të afta për konkurrencë ndër rajonale;
• Shfrytëzimi i resurseve natyrore, kulturore dhe humane në shërbim të zhvillimit të qëndrueshëm rajonal;