Zëvendësuesi i Sekretarit të Përgjithshëm të MZHR-së z. Besim Kamberaj bashkë më Drejtorin e Departamentit për Planifikim dhe Analiza Socio – Ekonomike Rajonale, takuan përfaqësuesen e IOM-it për Kosovë znj . Anna Rostocka dhe z. Faton Kelmendin. Z. Kamberaj, e njoftojë znj. Anna Rostocka për mandatin e MZHR-së, aktivitetet dhe programet e parapara për realizim në v. 2021. Gjithashtu, z. Kameraj potencojë edhe aprovimin nga Qeveria të Strategjisë për Zhvillim Rajonal 2020 – 2030 dhe Planin e veprimit, si dhe theksojë se ekziston një numër i madh I çështjeve dhe ideve për bashkëpunim me IOM-in – Zyrën në Kosovë.

Përfaqësuesit e IOM-it, pas prezantimit të aktiviteteve dhe rezultateve të arriutra me partner të ndryshëm në Kosovë, paraqitën vullnetin dhe dëshirën për krijimin e një bashkëpunimi të mirëfilltë edhe me MZHR-në, në fushën e zhvillimit socio – ekonomik rajonal të balancuar. Fusha potenciale të bashkëpunimit, u ceken vetëm disa si psh: përkrahja e rinisë me programe të ndryshme në ngritjen e kapaciteteve të tyre dhe integrimin në tregun e punës, disajnimin e programeve për kthimin e të rinjve në Kosovë pas shkollimit jashtë, përgatitjen e programeve me fokus avancimin ekonomik të shtresave të varfëra në zona jo shumë të zhvilluara, etj.

Pas diskutimit të temave dhe ideve potencialisht të realizueshme, palët u dakorduan që shpejt të realizojnë takimin e radhës dhe të dizajnojnë një letër formale të bashkëpunimit për të ardhmen.