MZHR me datë 16.03.2021 merr pjesë në takimin e Nën-komitetit për energji, mjedis, transport, dhe zhvillim rajonal, ku në mes tjerash Mzhr shprehi qëndrimet dhe përgjigjët e saja në pyetjet e paraqitura nga Komisioni Evropian për politikat e Kosovës, që ndërlidhen me zhvillim rajonal.
Në takimin në fjalë, MZHR-në e prezantoi z. Arbnor Sadiku, udhëheqës i divizionit për integrime evropiane, i cili raportoi progresin e arritur me rastin e miratimit të “Strategjisë për Zhvillim Rajonal 2020-2030” me datë 26.02.2021 nga Qeveria e Republikës së Kosovës, dhe fillimin e punës për themelimin e grupit punues për hartimin e “Ligjit për Zhvillim Rajonal”, gjithashtu, në takim u potencua nga z. Sadiku progresi i arritur nga MZHR në ngritjen e kapaciteteve nga pjesëmarrja e shumë zyrtareve të MZHR-së, në trajnimet specifike për fushat e veçanta si : integrime evropiane, financa dhe buxhet, zhvillim rajonal, zhvillim legjislacionit, etj. Po ashtu, z. Sadiku raportoi lidhur me bashkëpunimin midis MZHR-së, dhe BERZH-it, lidhur me trajnimin e bizneseve në modulet e ndryshme, si dhe certifikimin e tyre.
Në anën tjetër, Komisioni Evropian vlerësoi lart progresin e MZHR-së, lidhur me miratimin e “Strategjisë për Zhvillim Rajonal 2020-2030”, dhe Planit e Veprimit, dhe inkurajoj MZHR-në, të vazhdojë me tej në zbatimin e strategjisë në fjalë, njëkohësisht sugjerojnë që në të ardhmen Ministria e Zhvillimit Rajonal, dhe Agjencioni i Statistikave të Kosovës, të fillojnë punën në përcaktimin e GDP-së, për rajonet zhvillimore, sepse kjo do të ndikoi më mirë në hartimin e politikave pozitive për disparitetet ekonomike midis rajoneve ekonomike zhvillimore, të Kosovës.
Gjithashtu, Komisioni Evropian theksoi ma tej se MZHR-ja, duhet përgaditur në të ardhmen lidhur me aplikimin në “Programet Trnans Nacionale”, si dhe projektet IPA, duke e ditur se Bashkimi Evropian (BE)-ja, është e gatshme të ndihmoi në këtë proces, në të ardhmen.
