Sot , me datë 27 Maj 2021, Ministri i Zhvillimit Rajonal z. Fikrim Damka së bashku me zv. Sekretarin e përgjithshëm të Ministrisë së Zhvillimit Rajonal z. Besim Kamberaj kanë pritur në takim Ambasadorin e Gjermanisë në Kosovë z. Joern Rohde, me çrast z. Rohde u njoftua për planet e Ministrisë, dokumentet strategjike dhe proceset. Ambasadori falënderoj ministrin për takimin, mirëpritjen dhe progresin drejt nënshkrimit të marrëveshjes për bashkëpunim Ministri e Zhvillimit Rajonal ( MZHR) dhe Deutsche Gesellschaft für Internationale Zusammenarbeit GmbH (GIZ).

Pjesa e dytë e takimit vazhdoj me ceremoninë e nënshkrimit së marrëveshjes  mes Ministrit të Zhvillimit Rajonal z. Fikrim Damka dhe drejtorit të GIZ për Kosovë  z. David Oberhuber. Qëllimi i kësaj marrëveshje është koordinimi i aktiviteteve në funksion të avancimit socio – ekonomik rajonal të balancuar dhe ekonomisë qarkore në Kosovë. Gjithashtu në kuadër të këtij memorandumi do të koordinohen  edhe aktivitetet lidhur me hartimi e politikave dhe legjislacionit që ka të bëjë me zhvillimin rajonal.

Palët u dakorduan  për një bashkëpunim të ardhshëm mes MZHR-së  dhe programeve  të GIZ-it  si dhe implementimin e marrëveshjes së bashkëpunimit.

Në takim ishin të pranishëm edhe znj. Vera Bauman - Shefe e Koordinimit për Bashkëpunim , z. Avni Sfishta - Menaxher i Projektit në GIZ, si dhe përfaqësues të tjerë nga Ministria, Ambasada dhe GIZ.

Pas përfundimit të ceremonisë së nënshkrimit , palët  u prononcuan edhe për media për lidhjen e memorandumit të bashkëpunimit.