Ministri i Ministrisë së Zhvillimit Rajonal z. Fikrim Damka priti sot në takim znj. Ulrika Richardson Koordinatore për Zhvillim të Kombeve të Bashkuara në Kosvë së bashku me znj.Maria Suokko-Përfaqësuese e Përhershëm e UNDP-së dhe z.Omar Siddique Shef i Zyrës dhe Këshilltari Kryesor Teknik i UN HABITAT ku shprehi gatishmërinë për  bashkëpunimin e MZHR-së me Agjensionet aktive të KB në Kosovë, ministri gjithashtu falenderoi për kontributin që kanë dhënë dhe po vazhdojnë të japin në Kosovë. 

Koordinatorja për Zhvillim të Kombeve të Bashkuara në Kosovë znj. Ulrika Richardson falenderoi ministrin z.Damka për takimin dhe gatishmërinë për bashkëpunim. Në takim u diskutua për mundësinë e harmonizimit dhe zhvillimit të programeve të përbashkëta që kontribuojnë në zhvillimin socio-ekonomik rajonal duke përkrahur komunat, bizneset dhe organizatat e shoqërisë civile me projekte zhvillimore dhe të qëndrueshme.

Maria Suokko-Përfaqësuese e Përhershëm e UNDP-së dhe z.Omar Siddique Shef i Zyrës dhe Këshilltari Kryesor Teknik i UN HABITAT prezantuan programet aktuale të këtyre agjensive në Kosovë, ku u dakorduan me zv.Sekretarin e Përgjithshëm të MZHR-së z.Besim Kamberaj për vazhdimin e takimeve tjera për të diskutuar në detaje format e bashkepunimit.