Me datë 24-25.06.2021 zyrtarët e MZHR-së morën pjesë në vizitën studimore në zyrat e Fondit Shqiptar të Zhvillimit - Njësia Rajonale Shkodër. Fjalën përshëndetëse e mori z. Shpëtim Quku,  drejtor i “Fondit Shqiptar të Zhvillimit”, i cili në mes tjerash potencoi se FZHR-ja në vazhdën e punës së saj ka arritur progres në aspektin  e rritjes së konkurrueshmërisë së rajoneve përmes rritjes së përdorimit më të mirë të avantazheve konkurruese dhe potencialeve të zhvillimit, në rajonin zhvillimor Veri, të Republikës së Shqipërisë. Po ashtu, me një fjalë rasti takimin e përshëndeti edhe drejtori i Drejtorisë për Planifikim dhe Zhvillim z. Ridvan Sokoli, bashkia Shkodër, i cili shpalosi para nesh disa projekte ndër-komunale që zhvillohen në njësinë rajonale Veri.

Fjalën përshëndetëse nga delegacioni i Kosovës e mori z. Arbnor Sadiku Udhëheqës i Divizionit për Integrime Evropiane i cili në mes tjerash potencoi se MZHR është në përfundim të dokumentit “Thellimi dhe avancimi i bashkëpunimit midis MZHR-së dhe AZHR-ve” dhe si rezultat i kësaj ne kemi ardhur sot në zyrat e Fondit Shqiptar të Zhvillimit - Njësia Rajonale Shkodër, për të shkëmbyer përvojat e Shqipërisë me ato të Kosovës, në kuptimin e funksionimit të njësive rajonale si dhe fondit shqiptar të zhvillimit, në republikën e Shqipërisë.

Ma tej funksionimin e njësisë rajonale si dhe fondit shqiptar të zhvillimit në veriun e Shqipërisë, para të pranishmeve e shpalosi z. Spartak Sokoli - Udhëheqës i Njësisë Rajonale, Veri,  i cili potencoi se “Territori i Republikës së Shqipërisë ndahet në katër rajone zhvillimi”, si dhe Rajonet e zhvillimit janë territoret për të cilat hartohet, zbatohet dhe vlerësohet Politika Kombëtare për Zhvillimin dhe Kohezionin Rajonal.

Në takim morën pjesë edhe znj, Rreze Duli udhëheqëse e AZHR Veri, si dhe zyrtar të tjerë të MZHR-së : z. Butrint Marmullaku, si dhe z. Xhevat Sefaj.