Me datë 30.06. 2021 si dhe 01.07.2021 zyrtarët e MZHR-së morën pjesë në vizitën studimore në Qendrën për Zhvillim dhe Planifikim (QZhPP), si dhe në komunën e Zhelinës, në rajonin planor “Polog”. Fjalën përshëndetëse e mori z. Fatmir Sahiti,  drejtor i “Qendrës për Zhvillim dhe Planifikim” (QZhPP) në rajonin planor “Polog””, i cili në mes tjerash potencoi se QZHP-ja në vazhdën e punës së saj ka arritur progres në aspektin  e rritjes së konkurruesmërisë së rajoneve përmes rritjes së përdorimit më të mirë të avantazheve konkurruese dhe potencialeve të zhvillimit, në rajonin zhvillimor të Pollogut, të Republikës së Maqedonisë së Veriut. Po ashtu, zyrtaret e MZHR-së, realizuan një takim me kryetarin e Zhelinës z. Blerim Sejdiu i cili na sqaroi ma tej lidhur me projektet ndër-komunale të cilat janë në realizim e sipër, si dhe të  cilat kanë impakt rajonal në rajonin e Pollogut.

Fjalën përshëndetëse nga delegacioni i Kosovës e mori z. Arbnor Sadiku Udhëheqës i Divizionit për Integrime Evropiane i cili në mes tjerash potencoi se MZHR është në përfundim të dokumentit “Thellimi dhe avancimi i bashkëpunimit midis MZHR-së dhe AZHR-ve” dhe si rezultat i kësaj ne kemi ardhur sot në zyrat e Qendrën për Zhvillim dhe Planifikim  - në rajonin planor “Polog, për të shkëmbyer përvojat e Maqedonisë së Veriut me ato të Kosovës, në kuptimin e funksionimit të rajoneve planore, në republikën e Maqedonisë së Veriut.

Në takim morën pjesë edhe z.Erol Zekerija, këshilltar i ministrit të MZHR-së,  z. Nderim Bytyqi, udhëheqëse i AZHR Jug, Enver Hoxha zyrtar i AZHR Jug,  si dhe zyrtar të tjerë të MZHR-së : Znj. Shkendije Dinaj, udhëheqëse e divizionit ligjor, znj Vlora Fetoshi,  z. Butrint Marmullaku, si dhe z. Xhevat Sefaj.