Sot me datë 02 Korrik 2021, Ministria e Zhvillimit Rajonal ( MZHR) në bashkëpunim me Institutin Kosovar për Qeverisje Lokale(KLGI) organizuan punëtorinë lidhur me diskutimin e temave: Rishikimi i Udhëzimit Administrativ për Kushtet dhe Kriteret e përkrahjes së bizneseve/ndërmarrësve të rinj nga PZHRB, Ridizajnimi i skemës së garantëve për biznese dhe Start-Up në kuadër të Programit për Zhvillim Rajonal të Balancuar (PZHRB), Ridizajnimi i skemës së garantëve për Komuna në kuadër të Programit për Zhvillim Rajonal (PZHR), si dhe Ridizajnimi i skemës së garantëve për OJQ në kuadër të Programit për OJQ.
Punëtorinë e hapi me një fjalë rasti Ministri i Zhvillimit Rajonal z.Fikrim Damka, i cili përshëndeti të gjithë të pranishmit në punëtorin e organizuar për rishikimin e skemave të garantëve për të gjitha kategoritë që MZHR i financon, si dhe falënderoj KLGI për përkrahjen dhe bashkëpunim që kanë me MZHR, z.Besim Kamberaj - Zv.Sekretari i Përgjithshëm i MZHR theksoi që qëllimi i organizimit të punëtorisë është që të dalim me propozime që avancojnë proceset në MZHR drejt krijimit të kushteve më të mira për biznese, infrastrukturë më të mirë në komuna për zhvillim ekonomik si dhe promovim të zhvillimit socio-ekonomik në bashkëpunim me shoqërinë civile.
Të pranishmit i përshëndeti edhe përfaqësuesja e Institutit KLGI znj.Jona Jaha – Hulumtuese, e cila në emër të KLGI-së paraqiti vullnetin dhe gatishmërinë e vazhdimit të bashkëpunimit me MZHR-në. Znj.Jaha theksoi që synimi i KLGI-së është që të shërbeje si platformë e një komunikimi më të strukturuar në ngritjen e kapaciteteve dhe hartimin e politikave të legjislacionit në fushën e zhvillimit rajonal.
Punëtoria vazhdoi punimet me prezantimin e tri sesione: Sesioni parë ishte prezantimi i Udhëzimit Administrativ (MZHR) - NR.01/2018 dhe NR.02/2018 për ndryshimin dhe Plotësimin e Udhëzimit Administrativ (MZHR) – Nr. 01/2018, për Kushtet dhe Kriteret e përkrahjes së Bizneseve/Ndërmarrësve të Rinj nga Programi për Zhvillim Rajonal të Balancuar (PZHRB), më pas vazhdoi sesioni i dytë dhe i tretë me prezantimin e skemave të garantëve (Kriteret për Subvencione Garantët për Biznese + Startup) dhe Prezantim i skemave së garantëve ( Kriteret për Investime Kapitale Garantët për Komuna skemës së garantëve për Kriteret e Organizatave JoQeveritare (Grantet për OJQ).
Gjatë punëtorisë u diskutua se promovimi i zhvillimit socio-ekonomik rajonal të balancuar në fokus nxitjen dhe avancimin e dialogut ndërmjet MZHR-së, komunave , bizneseve dhe shoqërisë civile .
Në punëtori morën pjesë: z.Fikrim Damka – Ministër i Ministrisë së Zhvillimit Rajonal, z. Agon Dobruna – zv.Ministër i MZHR-së, z. Almir Veliji – zv.Ministër i MZHR-së z. Besim Kamberaj – zv.Sekretar i Përgjithshëm i MZHR-së, znj. Jona Jaha -Përfaqësues nga KLGI, znj.Leonora Kusari Drejtoreshë e BERZH për Kosovë, përfaqësuesit e pesë (5) AZHR-ve si dhe përfaqësues tjerë nga Kabineti i Ministrit dhe stafi civil nga Ministra e Zhvillimit Rajonal.
Ky aktivitet u realizua në kuadër të projektit ‘Mbështetje për Komuna më të Forta dhe më të Qëndrueshme (SSSM)’ i financuar nga Ambasada e Mbretërisë së Norvegjisë në Kosovë.
