Ministria e Zhvillimit Rajonal, në bashkëpunim me zyrën e UNICEF-it në Kosovë, si dhe Rrjetin CSR Kosova, sot me datë 07.09.2021 organizoi ceromeninë e nënshkrimit të kontratave me praktikantët.

Në këtë ceromoni morën pjesë: Ministri i Ministrisë së Zhvillimit Rajonal z. Fikrim Damka, Besim Kamberaj, Zv. Sekretar i Përgjithshëm në MZHR, z. Arbnor Sadiku, zv.Drejtor i Koordinimit të Politikave dhe Integrimeve Evropiane dhe znj. Gëzime Hasani, Koordinatore e Kosovo GenU, Rrjeti CSR.

Ministri Damka në fjalën hyrëse, vlerësoi lartë prezencën e partnerëve: Organizatën UNICEF dhe Rrjetin CSR, në këtë ceremoni dhe përkrahjen që këto organizata në bashkëpunim me MZHR, po u’a mundësojnë praktikantëve angazhim për tre (3) muaj në bizneset të cilët kanë përfituar nga skemat e granteve që MZHR ka lansuar ndër vite.

Si rezultat i këtij bashkëpunimi, Ministri z. Damka, potencoi se në muajt në vazhdim, do të përmbushet targeti prej  që 40 praktikantë të jenë përfitues nga programi për punë praktike i “Kosovo Generation Unlimited”.

Gjithashtu me një fjalë rasti, të pranishmë i’u drejtua dhe znj. Gëzime Hasani, Koordinatore e Kosovo GenU, Rrjeti CSR, e cila i’u uroi suskese praktikantëve dhe falenderoj MZHR-në dhe UNICEF-in për bashkëpunimin në programin për punë praktike “Kosovo Generation Unlimited”.

Pas mbarimit të fjalimeve, u realizu nënshkrimi i kontratave me praktikantë.