Ministria e Zhvillimit Rajonal ka pritur në vizitë e delegacionin e ekspertëve nga Ministria e Industrisë dhe Teknologjisë nga Turqia, vizitë e cila zgjati katër (4) ditë, sipas planit dhe agjendës me datë 21 Shtator delegacioni fillimisht është pritur nga Ministri i Zhvillimit Rajonal z.Fikrim Damka, dhe më pas z.Besim Kamberaj - zv.Sekretar i Përgjithshëm i MZHR-së filloi punëtorinë me prezantim dhe njoftim për misionin dhe objektivat e MZHR-së.
Dita e parë (1) e punëtorisë vazhdoi punimet nga përfaqësuesit e MZHR-së të cilët para eksperteve Turk bënë prezantime të detajuar që nga hartimi i dokumentacionit, thirrjet, mënyra e aplikimit, kriteret e vlerësimit deri tek implementimi i projekt propozimeve si dhe Strategjinë për Zhvillim Rajonal të Balancuar 2020-2030, pastaj delegacioni turk ka prezantuar Srategjinë për Zhvillim Rajonal në Turqi si dhe planet rajonale, pastan në sesionin tjetër janë prezantuar IPA projektet në fushën e zhvillimit rajonal.
Në ditën e dytë (2) të punëtorisë me datë 22 Shtator, nga Delegacioni Turk u prezantua një pasqyrë e Agjencive të Zhvillimit në Turq si Struktura, Operacionet dhe Legjislacioni i tyre, Mekanizmat Mbështetës të Agjencive të Zhvillimit Rajonal dhe të Administratave Zhvillimore Rajonale, Monitorimi dhe Vlerësimit i Zhvillimit, si dhe Projekti Kërkimor i Sistemeve të Vendbanimeve Urbane dhe Rurale në Turqi. Gjatë kësaj dite present ishte edhe Zv.Ministri i MZHR-së z.Agon Dobruna ku u takua edhe me delegacionin Turk.
Punëtoria në ditën e tretë (3) me datë 23 Shtator vazhdoi punimet dhe diskutimi rreth Agjensioneve për Zhvillim Rajonal në Turqi dhe Kosove, ku prezent ishte z.Cihan Dinçer - Koordinator i Zyrës Koordinuese të Programit të TIKA-së në Prishtinë si dhe përfaqësuesit e pesë (5) AZHR-ve në vend me ç ‘rast shkëmbyen përvoja dhe informacione të ndërsjella, në sesionin e pasditës u vizitua AZHR Qendër.
Në ditën e fundit të qëndrimit me datë 24 Shtator, MZHR se bashku me delegacionin vizituan komunën e Prizrenit, ku realizuan vizitë zyrtare në Drejtorin për Zhvillim dhe Turizëm si dhe vizituan projektet kapitale që mbështet MZHR në bashkëpunim me Komunën e Prizrenit.
Në fund të ditës sipas agjendës përfaqësuesit nga MZHR-së dhe Delegacionin e Eksperteve Turk u priten në takim në Prishtinë nga Ambasadori i Turqisë në Kosovë z. Çağrı Sakar, me të cilin biseduam për forcimin e fushave, si dhe urat ndërlidhëse të bashkëpunimit për përmirësimin e shërbimeve në sistemin e Zhvillimit Rajonal në mes Republikës së Kosovës dhe Turqisë, shkëmbimet reciproke në fushën e zhvillimit socio –ekonomik rajonal në të ardhmen në programe të zhvillimit Rajonal
MZHR dhe Ministria e Industrisë dhe Teknologjisë Turke, u zotuan për vazhdimin e komunikimit dhe bashkëpunimit, ku në një të ardhme të afërt këtë do ta konkretizojnë me realizimin e aktiviteteve të përbashkëta me interes të zhvillimit rajonal.
