Gjatë vizitave në Turqi të Ministrit të Zhvillimit Rajonal z. Fikrim DAMKA dhe Ministres së Arsimit znj.Arbërie NAGAVCI, u vizituan disa shkolla dhe qendra të arsimit publik, të shoqëruar nga  drejtori i Drejtorisë së Përgjithshme të Ministrisë së Arsimit Kombëtar për Bashkimin Evropian dhe Marrëdhënie me Jashtë  si dhe nga Këshilltari per arsim të republikës së Turqisë në Kosovë.

Ministri Damka dhe Ministrja Nagavci vizituan klasat speciale ku zhvillohen mësimet dhe trajnimet, së pari u vizitua Drejtoria e Arsimit Kombëtar e Komunës së Bakırköy, më pas Ministri Damka dhe Ministrja Nagavci vizituan Qendrën e Edukimit Publik dhe aty  patën mundësinë të shohin produktet artizanale të grave dhe punëtoritë ku ata punojnë.

Vizita e radhës e ministrit Damka dhe ministres Nagavci me delegacionin  e tyre ishte Shkolla Fillore e artit dhe muzikës Ataköy Mimar Sinan.

Vizita e fundit ishte ne shkollën e mesme dhe te ulët Atakoy.

Patën mundësinë të shohin shembuj të punëtorive ku ofrohet edukimi apo trajnimi praktik të kodimit, teknologjisë dhe shkencës. Gjithashtu u theksua se kjo shkollë ka mare pjesë në TeknoFest të Turqisë.